Tatian and Heliand

Heliand:Page 63

Heliand TextTatian Text
[gôd uuord angegin]: Than gi [god] uuillean, [quað he], uueros mid iuuuon uuordun uualdand grôtean, allaro cuningo craftigostan, than queðad gi, sô ic iu lêriu: [Fadar ûsa] firiho barno, [thu bist] an them hôhon himila rîkea, geuuîhid sî thîn namo [uuordo gehuuilico]. [Cuma] thîn [craftag] rîki. Uuerða thîn uuilleo obar thesa uuerold [alla], sô sama an erðo, sô thar uppa ist an them hôhon [himilo rîkea]. Gef ûs dago gehuuilikes râd, drohtin the gôdo, thîna hêlaga [helpa], endi alât ûs, hebenes uuard, managoro [mên]sculdio, al sô uue ôðrum mannum dôan. Ne lât ûs farlêdean lêða uuihti sô forð an iro uuilleon, sô uui uuirðige sind, ac help ûs uuiðar allun ubilon dâdiun. Sô sculun [gi] biddean, than gi te bede hnîgad uueros mid iuuuom uuordun, that iu uualdand god lêðes alâte an leutcunnea. Ef gi than uuilliad alâtan liudeo gehuuilicun thero sacono endi thero sundeono, the sie uuið iu selbon hîr uurêða geuuirkeat, than alâtid iu uualdand god, fadar alamahtig firinuuerk mikil, managoro [mên]sculdeo. Ef iu than uuirðid iuuua môd te starc, that gi ne uuileat ôðrun erlun alâtan, uueron uuamdâdi, than ne uuil iu ôc uualdand god grimuuerc fargeban, ac gi sculun is geld niman, suîðo lêðlic lôn te languru huuîlu, alles thes unrehtes, thes gi ôðrum hîr gilêstead an thesumu liohte endi than uuið liudeo barn Tho quad her ín: thanne ír betot, thanne quedet sús: fater unser thu thar bist in himile, si giheilagot thin namo, queme thín rihhi, si thín uuillo, só hér in himile ist, só si hér in erdu, unsar brót tagalihhaz gíb uns hiutu, inti furlaz uns unsara sculd Oba ír furlazet mannun iro sunta, thanne furlazit íu íuuar fater thie himilisco íuuara sunta. Oba ír ni furlazet mannun, thanne ni furlazit íu íuuar fater iuuara sunta.
<<<< previous page (BLOCKED) next page (BLOCKED)>>>>